Manifestación para que o galego sexa oficial en Asturias

|

Amesapolanormalizacionlinguistica


A Mesa pola Normalización Lingüística súmase á manifestación que terá lugar en Oviedo o sábado 21 de abril pola oficialidade do asturiano e o galego en Asturias. A mobilización está convocada pola Xunta pola Defesa da Llingua Asturiana co apoio da Plataforma pola Oficialidá do Galego-Asturiano.


Desde A Mesa piden ao Estado español, á Xunta de Galicia e ao goberno de Asturias o cumprimento da Carta Europea das Linguas rexionais ou minoritarias, que recolle a aplicación de acordos co obxectivo "de favorecer os contactos entre os falantes da mesma lingua nos estados afectados, nos dominios da cultura, ensino, información, formación profesional e educación permanente". 


Así mesmo, lembran ás administracións que ao asinar dita carta as partes comprométense a "facilita e/ou promover a cooperación a través das fronteiras, principalmente entre colectividades rexionais ou locais no territorio das cales se fala a mesma lingua de maneira idéntica ou próxima". 


Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial
Powered by Bigpress