Manuel Rivas publica Contra todo esto, antoloxía da vergoña: "A vergoña é necesaria para captar as inxustizas"

|

Manuel Rivas


O escritor coruñés Manuel Rivas recolle o seu "sentimento de vergoña" en Contra todo esto. Un manifiesto rebelde (Alfaguara), unha antoloxía de textos que rexeitan o actual "tempo de distopía" e na que defende "a importancia das palabras". Para Rivas, 'Todo Esto' é descivilización, perda de dereitos a través o medo, machismo, crecente corrupción, contramemoria... A Oficina de Todo Esto recolle a vergoña que "abre paso á esperanza", como reza a sinopse do libro.


"Hoxe en día hai unha maior capacidade de contaminación das palabras, que son vítimas. De feito, están a ser penalizadas, como en España, onde parece que hai unha obsesión por controlar ata as coplas", ironizou nunha entrevista o autor.

Rivas fala desa "penalización" da liberdade de expresión que se está vivindo en España, pero alertando de que se trata dun país "cuxa sociedade foi moi sensible á vergoña historicamente".

"O poder cada vez móvese mellor no segredo, o silencio e a desvergoña. Pero en España sempre houbo un pobo que loitou pola liberdade fronte a un poder que desconfiou del", aseverou.

En 'Contra todo esto' Rivas aborda algúns dos temas actuais como o feminismo ou a loita contra o cambio climático, cos que se aliña, ou as políticas neoliberais, que rexeita, afirmando que a día de hoxe "todo é canallocracia".

"Hai xente que parece que se desprendeu completamente da vergoña, que é algo necesario para detectar as inxustizas. Un ve como este fin de semana se aplauden certas actitudes (en alusión ao congreso do PP) e ve que se perdeu certa vergoña, que pode levar a un apagamento total", criticou.


Rivas asegurou que, a pesar de non ser un libro dun pensador "apocalíptico", sitúase na "primavera" de revolucións como as de maio. O autor explicou que o libro xurdiu de "un compromiso" coas palabras, sen intencionalidade de "alegación", e que lle levou a aprazar a novela que estaba a escribir.

"Si é un libro activista, un lugar insurxente e rebelde, que xorde nun momento de retroceso no mundo. Pasamos de estar nun lugar onde a liña de horizontes tiña moitas cores a que estea ocupada pola descivilización, o retroceso e o rearmamento", engadiu.

O FEMINISMO E A 'ALT RIGHT'
Para Rivas, un dos principais culpables é o movemento de 'alt right' que se está "estendendo coa idea de abaratar ao ser humano". "Para eles, todo o que se move é o inimigo, os nómades, que van desde os inmigrantes ou refuxiados ata os ciclistas. É un terror cómico", lamentou.

O escritor galegopuxo como exemplo nos últimos meses ao movemento feminista, "un dos que mellor interpretou" esta idea de insurxencia. "O feminismo é transversal, porque pon en cuestión todas as desigualdades, e o estraño é que non estivese en primeiro plano hai tempo", concluíu.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress