Órgano da ONU expedienta a España polas minas de Galicia

A Comisión de Cumprimento do Convenio de Aarhus decidiu aceptar a queixa presentada por entidades galegas hai un ano, a pesar da oposición de España. A denuncia versa sobre ocultación de información na aprobación de varias minas.


|

A Comisión de Cumprimento do Convenio de Aarhus decidiu aceptar a queixa presentada por entidades galegas hai un ano, a pesar da oposición de España. A denuncia versa sobre ocultación de información na aprobación de varias minas.


Convenio de Aarhus garante os dereitos de información e participación xudicial sobre as decisións gobernamentais ao redor da explotación dos recursos naturais, como os mineiros. Este tratado internacional, ratificado por España, salvagarda a conservación do ambiente en condicións de saúde.


A queixa ante a ONU partiu de diversas entidades integrantes na rede ContraMINAcción. Foi presentada hai un ano e admitida a trámite o 15 deste mes.


Os denunciantes apuntan “ás responsabilidades da Dirección Xeral de Enerxía e Minas”, da Consellería de Industria. Un dos membros da citada rede, a Asociación Petón do Lobo, lembra que “as resolucións de 2008 e 2009 dos proxectos de Santa Comba e San Finx establecían o condicionante de seren sometidos ao trámite de avaliación de impacto ambiental, aspecto que ignorou a seguir o seguinte e actual director xeral de Enerxía e Minas Ángel Bernardo Tahoces”.


En opinión dos ecoloxistas, Tahoces oculta información por sistema para favorecer ás mineiras. Os denunciantes relacionan esta actitude con casos como o desbordamento das balsas da vella mina de Touro, cuxa reapertura é precisamente o expediente máis importante que pasou pola mesa do director xeral.


Dado que é un convenio internacional, será o Ministerio de Medio Ambiente quen teña que informar a este órgano da ONU de se a Xunta está cumprir coas súas obrigas de transparencia no referido non só as citadas minas, senón ao sector en xeral. Nin Estado nin Xunta deron polo de agora a súa valoración da apertura do expediente.


 

Contraminaccion

Reunión da rede Contraminación


relacionada Vídeo: Alcalde de Touro rompe no Pleno os papeis dos críticos coa mina
relacionada Atalaya Mining subiu un 60% en bolsa desde o anuncio da mina de Touro

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE