Cando todo parecía que as cousas poderían canalizarse na política catalá, vén Torrent, presidente do Parlament de Catalunya e convoca o pleno de investidura, para adiantarse ao xuíz Llaneras que convocou para o vindeiro venres, ao candidato Turull presidente xa? Carmen Forcadell, Raúl Romeva, Josep Rull e Dolors Bassa. Os seis están citados a fin de practicar a comparecencia prevista no artigo 155 da Lei de Axuizamento Criminal. Unha audiencia na que a Fiscalía e as partes acusadoras poderán pedir que se decrete prisión provisional ou liberdade con fianza.

Esta situación pode catalogarse como a carreira dos cen metros lisos dos independentistas. Os seus adversarios: a xustiza, o goberno, os partidos da oposición e o sentido común que tanto está a faltar neste grave e irresponsable desafío. O lamentable do asunto é que ERC e o propio presidente da segunda institución de Catalunya fosen os executores desta decisión máis propia de Mortadelo e Filemón que duns políticos serios e responsables.

A xogada é mestra: A CUP podería votar a Turull –antes non quería ao candidato- porque é un desafío aos xuíces españois e porque pensan que a xustiza non se atreverá a xulgar a un presidente da Generalitat de Catalunya e metelo no cárcere. Esperan que con esta provocación, as institucións internacionais protesten e pidan a liberdade. Situación que á miña entender non se vai a producir.

Turull, do mesmo xeito que algúns dos chamados a declarar, teñen todos os números para volver ao hotel gratuíto, por moito ruído que monten. Ante esta situación kafkiana, os Comités da República teñen a escusa perfecta para leala parda nas rúas, porque as rúas son súas e é onde mellor se atopan, máis que nas institucións. Enténdense, porque son antisistema.

A provocación, coa elección dun candidato como Turull que pode ir ao cárcere, máis a convocatoria do pleno exprés, o único que se está demostrando é que se buscan mártires, que os necesitan para continuar alimentado a mentira do procés e a falta de sentido común, responsabilidade e "seny" de toda unha colla que o único que busca é pasar á historia por algo que non vai se é posible, como eles ben saben, sen importarlles as consecuencias de todo tipo que as súas accións están a causar á Catalunya que eles din amar.