Unha soa enfermeira a cargo de 28 pacientes: a insostíbel situación que denuncia Satse

O Sindicato de Enfermería (Satse) na área de Monforte esixe un aumento do persoal de profesionais de enfermería en diferentes plantas do hospital, nas que o ratio enfermeira paciente non se cumpre, "deixando a unha enfermeira soa a cargo de 28 pacientes polas noites e de 14 polas tardes".

Así o denunciou Satse á subdirectora do Hospital Comarcal de Monforte, nun escrito no que lle solicitan "o aumento de persoal de enfermeiras nas plantas cirúrxicas e médicas como traumatología, urología, cirurxía dixestivo, medicina interna e planta de especialidades".

"Ao parecer outros centros hospitalarios teñen dúas enfermeiras por 32 camas, pero como no Hospital de Monforte non chegan a ese número, e tan só hai 28 camas, consideran que deixar a unha enfermeira para eses pacientes é suficiente", expón Satse.

Respecto diso, apunta que "cando a enfermeira necesita un reforzo por unha urxencia na planta, a dirección envía á única enfermeira que se atopa ou en REA ou en quirófano", polo que deixa "un deses servizos sen unha profesional".

"Isto ten outras consecuencias, pois antes de entrar na planta, a enfermeira ten que ducharse e cambiarse o uniforme para evitar contagios, e o mesmo ten que facer cando regresa ao seu posto de traballo. Cando se trata dunha urxencia, pérdese moito tempo", explicou Satse.

Tamén apunta que estas últimas semanas dáse a circunstancia de que hai bastantes illados, "o que supón que cada vez que a única enfermeira que hai nesa planta acode a poñer a medicación, ten que cambiarse por completo, perdendo máis tempo para o resto de pacientes", explica.

CRITERIO DA DIRECCIÓN

Por iso, Satse cuestiona "o criterio da dirección na súa consideración de dotar cunha enfermeira máis se hai 32 pacientes". "Pois se aplicamos a proporcionalidade, en todo caso, sería máis que unha en cada planta de 28 e como non se pode "partir á profesional debe ser un enteiro", apostila para asegurar que "con esta actitude poñen en risco a seguridade dos pacientes de forma irresponsable".

O Sindicato de Enfermería considera "un cociente totalmente insuficiente xa que a ideal de seguridade sería de 6/7 pacientes por enfermeira".