A parella de Sonia Iglesias abandona a comisaría, investigado por detención ilegal
Xusto antes de que saíse do edificio entrou o seu irmán David
A parella de Sonia Iglesias, Julio Araújo, abandonou a comisaría de Pontevedra pasadas as 18,00 horas, onde acudiu como investigado en relación coa desaparición desta pontevedresa fai oito anos.
Xusto antes de que saíse do edificio, situado na rúa Joaquín Costa, entraron o seu irmán, David, tamén investigado no caso, e o seu avogado.
Ambos chegaron pouco antes das 17,00 horas, na que é a segunda xornada en que a policía practicou rexistros nunha vivenda propiedade da familia. O avogado de Araújo, Jesús Santaló, confirmou que o home está investigado por detención ilegal, o mesmo delito polo que xa se lle imputou no seu día.
Á entrada, Jesús Santaló explicou que ía esperar a ver como se desenvolvía a comparecencia para decidir se declaraba ou non. "Isto é un pouco precipitado", dixo.
Reábrese a causa sobre a desaparición de Sonia Iglesias
Escribe o teu comentario