Renfe ampliará a súa frota transformando 13 ‘trens hotel’ en novos AVE

|

Averenfetren


Talgo fíxose co contrato para transformar trece unidades de 'tren hoto' que Renfe ten en desuso en novos trens AVE de gran capacidade, dado que poderán circular tanto por liñas AVE como por vías convencionais e alcanzar velocidades de ata 330 quilómetros por hora, e ademais terán prazas para 405 viaxeiros. O contrato está valorado en 106,91 millóns de euros.


Con todo, Renfe incluíu a opción de ampliar o proxecto á reconversión de seis trens máis que, en caso de executarse, elevaría o importe total dos traballos a 151 millóns. Renfe realiza este investimento en reconversión de trens mentres ultima un plan de compra de novo material. O plan presentarase o próximo mes de marzo e só na súa primeira fase, que se lanzará este ano, prevé compras de locomotoras e trens de proximidade por uns 1.500 millóns de euros.


Con este plan, a compañía ferroviaria busca renovar parte da súa actual frota de trens e dotarse de novas unidades para atender o previsible aumento de viaxeiros e afrontar o reto da apertura á competencia do transporte de pasaxeiros en tren fixada para 2020.


No caso do contrato encomendado a Talgo, Renfe enmárcao na súa pretensión de dar a "máxima utilidade" a trens que actualmente tiña "apartados ou con moi baixa utilización", adecuándoos "ás actuais necesidades da compañía", que pasan por contar con vehículos que poidan circular indistintamente por liñas convencionais e liñas AVE (máis estreitas).


En concreto, en virtude do contrato, Talgo adecuará trece 'trens hotel'. Dous deles, de doce coches cada un, habilitaranse para que circulen a 220 quilómetros por hora e substitúan aos que actualmente cobren a conexión entre Barcelona e Sevilla por Valencia. Os outros once trens, tamén de doce coches cada un, reconverteranse para que teñan rodaxe desplazable e poidan circular a ata 330 quilómetros por hora. Trátase de vehículos de gran capacidade, dado que contarán cun total de 405 prazas.


Os 'trens hotel' son os últimos que adquiriu Renfe, que xa están dotados con butacas no canto de con camas, aínda que a súa adecuación pasará por imprimirlles melloras, como son novos sistemas de climatización ou equipamento para ofrecer conexión inalámbrica a Internet ('wifi'), entre outros.

relacionada Renfe planea investir 1.500 millóns na compra de novas locomotoras e trens
relacionada ​Renfe mantén descontos para promocionar o turismo en ferrocarril a Santiago e Ourense

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1


Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress