Vagalume

Lorena Nieto traballa no Programa Vagalume para a axuda a mulleres prostituídas en situación de vulnerabilidade e que buscan abandonar a prostitución. Este programa leva en marcha 34 anos e está vinculado a Cáritas Diocesana de Santiago e ás Oblatas, unha organización relixiosa. Na actualidade, os estigmas sobre as mulleres prostituídas e as que abandonaron a prostitución seguen vixentes na nosa sociedade, é máis, para moitas delas hai unha dobre resistencia ao ser persoas en situación irregular en España e, por tanto, vítimas máis fáciles para as redes de trata. É por iso que segue sendo necesario un cambio completo de paradigma en canto á visión maioritaria sobre a prostitución desde a sociedade.