Jaime Fraga

Jaime Fraga é o xefe de Prevención de Condutas Adictivas, dependente da Dirección Xeral de Saúde Pública (Consellería de Sanidade). Ante a última 'Enquisa sobre Consumo de Drogas en Ensinos Secundarios en España', Jaime Fraga destaca o descenso no consumo de alcol e tabaco, aínda que neste último apartado o cigarro electrónico parece estar a aumentar a súa presenza en substitución do típico paquete. Con todo, o gran problema actual son as pantallas (sobre todo teléfonos móbiles), un elemento cuxo impacto está a xerar problemas de adicción como son os contidos para adultos dentro dos máis novos. As autoridades escolares, sociais e políticas buscan solucións como evitar o uso de pantallas até altas horas da noite, incrementar horarios deportivos e actividades onde os mozos se relacionen máis entre si.