expocoruña

O hospital de campaña da Coruña, cun total de 240 camas de hospitalización, podería estar operativo en 24 horas, segundo informou o xerente da área Sanitaria da Coruña e Cee, Luís Verde Remeseiro, na presentación da distribución feita no recinto feiral ExpoCoruña para o seu uso en caso de ser necesario.

O presidente da Xunta, Alberto Núñez Feijóo, confirmou este martes que o recinto feiral de Expocoruña e o complexo deportivo do Multiusos do Sar, en Santiago, quedarán instalados en breve como hospitais de campaña. Así mesmo, non se descarta acondicionar para o mesmo fin o Instituto Feiral de Vigo (Ifevi).