CPXG

A maioría absoluta do PPdeG no Parlamento bastou para aprobar a nova lei para a CRTVG. As iniciativas da oposición non serviron o mesmo que sucede cos sete anos de protestas por parte dos e as profesionais da Corporación. Asociacións profesionais contemplan tamén con preocupación a esta nova lei, pois existe o temor a que o novo articulado non respecte o Regulamento Europeo sobre a Liberdade dos Medios de Comunicación

O 17 de xullo Pedro Sánchez propuxo usar o Regulamento Europeo de liberdade de medios para unha “rexeneración” nos medios de comunicación. E é que o xefe do Executivo quere frear os “desmáns” dalgúns grupos e medios que considera están a facer dano tanto á súa xestión como á súa persoa. Entre outras medidas propón que os medios sinalen a procedencia de axudas, fondos, etc., que lles permiten seguir en marcha. Moitos puxeron o berro no ceo

O Colexio Profesional de Xornalistas de Galicia (CPXG) ten nova decana. Belén Regueira é xornalista na CRTVG. Pasou por programas musicais, culturais, infantís e deu voz á pronuncia de palabras para o 'Dicionario de pronuncia da lingua galega'. Forma parte do CPXG desde a súa fundación e participou de forma activa nos seus órganos de dirección. Belén Regueira prepárase para uns catro anos nos que, xusto antes de empezar o seu decanato, o presidente da Xunta anunciaba cambios lexislativos nos medios públicos galegos.

Un medio dixital dirixido ao público infantil e un programa de radio sobre o Val de Barcala son os proxectos gañadores do premio organizado e impulsado polo Colexio de Xornalistas en colaboración coa Facultade de Ciencias da Comunicación da USC.