A candidatura do presidente da RFGF, Rafael Louzán, a presidir a RFEF foi posta en cuestión polo propio CSD, que lembra as sentenzas xudiciais que inhabilitaron a Louzán durante sete anos por prevaricación. No entanto, ao non ser firme -será o Supremo o que se pronuncie en última instancia-, o expresidente da Deputación de Pontevedra e exlíder do PP pontevedrés parte como favorito a suceder a Luís Rubiales no despacho principal de Las Rozas, a pesar das moitas voces críticas coa súa figura.