O septuaxenario atopado en Portugal será trasladado a Vigo por unha empresa de acompañamento

Unha empresa de acompañamento será a encargada de trasladar á residencia de maiores da que é usuario o septuaxenario que desapareceu en Vigo o luns e que foi localizado este venres na cidade portuguesa de Braga, onde foi evacuado a un hospital.

Fontes da Consellería de Política Social confirmaron que o home se atopa ben, polo que se contratou a unha empresa de acompañamento coa que a administración autonómica adoita traballar para ir buscalo e levalo á residencia.

O home de 76 anos de idade, Ovidio Rodríguez, usuario dunha residencia de maiores de Vigo, desapareceu o pasado luns. A súa familia dera a voz de alarma despois de que o home, en situación "vulnerable", recollese a súa pequena asignación mensual na residencia e marchásese sen documentación.