A Garda Civil coordina a procura do bañista desaparecido na praia de Barra, Cangas

A procura dun bañista na praia de Barra, na parroquia canguesa de Ou Hío, continúa na mañá deste domingo baixo a coordinación da Garda Civil, que incorporou un helicóptero. Ademais, a Axencia Galega de Emerxencias (Axega) mobilizou á súa unidade de drones durante a pasada de noite.

No operativo activado durante a tarde do sábado, tamén participan efectivos de Salvamento Marítimo; Gardacostas de Galicia, que mobilizou ao seu helicóptero de rescate Pesca I; a Policía Local, e Protección Civil de Cangas.
 

O 112 Galicia tivo constancia do ocorrido pasadas as 18.00 horas a través da chamada de particulares que se atopaban no areal cangués. Os alertantes sinalaron que a persoa adoitaba bañar nesa zona, que levaban tempo sen vela e que existía a posibilidade de que non conseguise saír da auga.

Entón, mobilizouse aos medios mencionados, que actúan coordinados pola Garda Civil. Están despregados por terra, mar e aire para tratar de localizar á persoa. Crese que esta pode roldar os 70 anos, pero descoñécese a súa idade concreta ao non haber presentado a denuncia.