Falece unha persoa debaixo dunha máquina para millo

Unha persoa faleceu debaixo dunha máquina de millo en Dumbría. Os servizos sanitarios non puideron facer nada por salvarlle a vida.

Tal e como trasladou o 112 Galicia no seu boletín informativo, ao redor das 19.10 horas dese venres recibiron un aviso por parte dun particular, que solicitaba asistencia técnica para unha persoa que atopou debaixo dunha máquina de millo.

O achado produciuse concretamente en Miñóns, na parroquia de Buxantes, e o alertante advertía de que a vítima podería estar falecida.

A continuación, o 112 informou ao Servizo de Urxencias Sanitarias de Galicia-061, á Garda Civil e á Agrupación de Voluntarios de Protección Civil de Dumbría.

Finalmente, tras os intentos de reanimación, os servizos de emerxencias non puideron facer nada para salvar a vida da persoa.