A Xunta reforza o Servizo de Axuda no Fogar e reclama maior implicación do Estado
Fabiola García anuncia un aumento “histórico” do financiamento autonómico para o SAF, que permitirá a Teo recibir 650.000 euros máis en tres anos. A conselleira critica ao Goberno central por non achegar o 50% dos fondos que marca a lei.
A conselleira de Política Social, Fabiola García, reuniuse coa alcaldesa de Teo, Lucía Calvo, para explicar o novo acordo entre a Xunta e a #Fegamp, que eleva o financiamento autonómico do Servizo de Axuda non Fogar. No caso de Teo, a achega aumentará en 650.000 euros até 2028, dentro dun modelo que subirá a axuda por hora de servizo até os 18 euros.
Segundo García, a Xunta destinará 150 millóns de euros ao conxunto dos concellos, asumindo así o 50% do custo. A conselleira destacou que o reforzo permitirá atender a máis persoas dependentes e aliviar a carga económica dos concellos.
Críticas ao Goberno central e defensa do modelo galego
García reprochou ao Executivo central non financiar o seu parte en materia de dependencia, o que cifrou nunha débeda de 2.900 millóns. Tamén rexeitou o recurso do Goberno contra a norma galega que vinculaba discapacidade e dependencia, admitido a trámite polo Tribunal Constitucional.
O SAF, que beneficia a máis de 25.000 usuarios galegos, considérase un alicerce do sistema público de coidados e un dos servizos máis demandados polas familias.
Escribe o teu comentario