Pillado pilotando a 146 km/h nun tramo limitado a 50 en Curtis
O investigado, un home de 34 anos e veciño de Valga, recibiu o alto da Garda Civil na N-640.
A Garda Civil de Tráfico da Comandancia de Pontevedra interceptou a un condutor que circulaba a 146 quilómetros por hora nun tramo limitado a 50 na N-640, ao seu paso por Cuntis.
Segundo informou o Instituto Armado, o radar detectou ao vehículo nunha vía onde a velocidade está limitada, por sinal específico, en 50 quilómetros por hora.
Os efectivos actuantes detiveron a marcha do turismo e do seu condutor, un home de 34 anos e veciño de Valga, e procederon á súa investigación por un suposto delito contra a seguridade viaria.
As penas a cumprir por este tipo de delitos poden chegar a ser de prisión e, en todo caso, de privación do dereito a conducir vehículos a motor e ciclomotores entre un e catro anos.
Escribe o teu comentario