Estrélase en plena autovía e abandona o seu coche á altura de Rianxo
O coche foi abandonado polo seu ocupante ou ocupantes tras sufrir unha saída de vía e encaixar contra un terraplén.
De quen é este Chevrolet Aveo abandonado na autovía do Barbanza? Non será difíl atopar ao seu propietario e, posiblemente, último condutor, xa que o vehículo apareceu completamente buxán na vía, aparentemente logo de sufrir un sinistro na estrada á altura de Rianxo e en dirección Ribeira.
Todo parece indicar que o suceso tivo lugar preto da medianoite do martes ao mércores. Foron varios os condutores que deron a voz de alarma polo coche accidentado no carril exterior. No entanto, ao chegar os bombeiros, comprobaron que non había ninguén no interior do vehículo.
Os ocupantes do coche, aparentemente, abandonaron o turismo, talvez para non ser identificados no caso de que consumisen sustancias prohibidas ou que os seus niveis de alcol en sangue fosen moi superiores aos permitidos. En calquera caso, isto non lles librará dunha multa se as autoridades logran esclarecer o ocorrido, que por agora apuntan a unha saída de vía, golpeando a varanda e saír da calzada até chegar a un terraplén.
O coche, que presenta danos de consideración, foi atopado polos efectivos do corpo de bombeiros de Boiro xunto a axentes da Garda Civil e o persoal do servizo de mantemento da autovía.
Escribe o teu comentario