O Clúster do Granito de Galicia inicia unha campaña para pór en valor as virtudes deste material

O granito vive un bo momento no mercado e Galicia, como produtora desta pedra natural, está a sacar bos resultados deste auxe. E é que, entre outro beneficio, a pegada de carbono deste material é a máis baixa comparada cos outros competidores habituais para pavimentos ou fachadas. O Clúster do Granito de Galicia subliña estas características que lograron rebaixar o 81% do impacto da pegada de carbono na última década. 

O Clúster inicia a campaña 'Granito, construíndo un futuro sostible' para reivindicar as calidades do material do que Galicia é líder en extracción e transformación. Desde o sector lembran que os clientes poden acudir ás ecoetiquetas que detallan o impacto ambiental do granito desde que sae da canteira até o produto final, algo que tamén valoran os arquitectos e decoradores, que cada vez teñen máis consideración en aspectos como a sustentabilidade. 

“A pedra ten múltiples calidades a destacar, entre elas unha gran resistencia á compresión e gran inercia térmica que lle permiten, co deseño correcto, tanto soa como en combinación con outros materiais, dar unha resposta sostible desde unha arquitectura con formulacións bio-climáticos. Ademais, o seu mantemento é moi baixo, e é un material que se pode encadrar no bio-construción, é un material de proximidade que se atopa na natureza, non necesita transformación”, comenta o arquitecto galego Mauro Lomba dun material que resulta máis eficiente energeticamente nas fachas das vivendas.

José Ángel Lorenzo, secretario xeral do Cluster do Granito, destaca a importancia deste material no tecido económico galego. “O granito é un material natural e sostible integrado na economía circular. É totalmente reciclable. A pedra é case o único material de construción que se coloca tal e como sae da natureza, sen cambios químicos, de estrutura ou composición. Estas características promoven tamén o seu carácter sostible”, agrega Lomba sobre esta pedra natural que non precisa de tratamentos de consumo enerxético tan altos como os doutros materiais.
 

"O emprego de granito na construción facilita a consecución de selos de edificación sostibles, o que demostra a contribución deste tipo de materiais para a consecución de certificacións LEDE e BREEAM, ferramentas de gran utilidade para promotores, rehabilitadores, construtores, arquitectos, etc", debulla o Clúster no seu comunicado.