Primeiros billetes de Avlo á venda en Galicia para viaxar a partir do 22 de xullo
Máis de 8.000 billetes á venda a partir dun prezo inicial de 7 euros.
Os despachos de billetes de Renfe botan fume. O anuncio da posta en venda dos primeiros billetes para os novos Avlo a Galicia puxo aos viaxeiros á busqueda dun ticket que teñen un prezo desde os 7 euros para as viaxes que comezarán a partir do 22 de xullo nunha campaña que se prolongará até as viaxes con límite do 30 de setembro.
Serán máis de 8.200 billetes para "todas as orixes e destinos do corredor". "Estes servizos prestaranse cos novos trens S106 de Renfe de rodaxe desplazable e con 581 prazas, que son os convois con maior capacidade de viaxeiros por tren que circulan actualmente pola rede nacional", detallan desde o Ministerio de Transportes, onde se congratulan deste "debut" na comunidade galega que contará con "dous servizos Avlo diarios" e que conectarán Galicia e Madrid.
"Alternarán as súas orixes e destinos entre Vigo-Madrid (martes, xoves e domingos) e A Coruña-Madrid (luns, mércores, venres e sábados), con paso por Santiago de Compostela", explican, con paradas tamén na Gudiña, Ourense, Vilagarcía de Arousa e Pontevedra, ademais de en Segovia, Medina del Campo, Zamora e Sanabria.
"O resto da oferta comercial entre Galicia e Madrid mantén as súas frecuencias actuais, aínda que con algunha leve modificación horaria en tres renes (Madrid 18:25-Ferrol 0:04, A Coruña 19:30-Madrid 23:03 e Madrid 20:23 - Ourense 22:37", indica o Ministerio.
Escribe o teu comentario