(VÍDEOS) O SERGAS, pioneiro en España ao intervir a unha embarazada con cálculos renais no CHUS

O Complexo Hospitalario Universitario de Santiago levou a cabo a primeira intervención feita en España para quitar cálculos renais a unha muller embarazada, un problema que habitualmente se manexa de conservadora con drenaxe até o parto.

A operación de nefrolitotomía percutánea levou a cabo por parte de profesionais da Unidade de Endourología e Litiasis do Servizo de Urología da área sanitaria de Santiago de Compostela e Barbanza, segundo informou a Consellería de Sanidade este xoves.
 

A intervención levou a cabo a finais do pasado ano no Hospital de Conxo e a enferma, de 21 anos e 28 semanas de xestación, foi dada de alta en 48 horas.

Trátase da, xa que de forma habitual trátase a litiasis de forma conservadora e, cando non é posible, abórdase cunha intervención cirúrxica sen orificio no ril da paciente.

"A necesidade de realizar unha nefrolitotomía percutánea é excepcional e unicamente reservaríase para aqueles casos de gran cantidade de volume de cálculo e complexidade, como era o caso desta paciente", sinalaron fontes do servizo do CHUS.
 

O equipo destaca a complexidade da intervención como evidencia que existan unicamente a nivel mundial sete artigos publicados que recollen a experiencia total de 16 pacientes xestantes intervidas mediante nefrolitotomía percutánea.