Pesar no Grove pola morte dun viandante que caeu á auga no porto
Os feitos ocorreron na Avenida Beiramar, ao redor das 14:45 horas.
Un home perdeu a vida tras caer á auga na avenida de Beiramar, no porto situado detrás da lonxa do municipio pontevedrés do Grove.
Segundo a información do 112 Galicia, o suceso produciuse sobre as 14.45 horas deste martes e foi un particular o que pediu asistencia para un familiar ao que acababa de retirar da auga.
A central de emerxencias alertou ao Servizo de Urxencias Sanitarias de Galicia-061, que nun primeiro momento mobilizou o helicóptero medicalizado con base en Santiago, pero foi anulado ao confirmar o falecemento do home; a Salvamento Marítimo; a Gardacostas; á Garda Civil; á Policía Local; e aos efectivos de Protección Civil.
Escribe o teu comentario