O golpe dunha vaca nunha granxa deixa ferido de gravidade a un neno no Couto, Santa Comba

Os feitos sucederon esta tarde, ao redor das 17:30 horas, nunha expoltación gandeira na parroquia de Alón, en Santa Comba.

O pequeno presentaba feridas de gravidade polo golpe do animal e foi trasladado en helicóptero a Santiago.

Un menor necesitou este xoves asistencia sanitaria tras recibir un golpe por parte dunha vaca nunha explotación gandeira do Couto, en Santa Comba.

Debido á gravidade das feridas sufridas polo neno, os profesionais de Urxencias Sanitarias de Galicia-061 mobilizaron o helicóptero medicalizado con base en Santiago para atendelo.

Os feitos sucederon na parroquia de Alón, ao fío das 17,30 horas. Nada máis ter coñecemento do suceso, os xestores do CIAE 112 Galicia pasaron o aviso aos axentes da Garda Civil, da Policía Local e aos voluntarios de Protección Civil da localidade.