Periga o posto de Antonio Hidalgo? A afección dividida co técnico que ten ao Dépor a un triunfo do ascenso

"Foi o peor partido desde que estou aquí". Sen panxoliñas e sen escusas. Así o declarou en rolda de prensa o adestrador do Deportivo da Coruña, Antonio Hidalgo, despois da dura derrota do seu equipo ante a Granada de Pacheta por 0-2. Os branquiazuis seguen si mostrar a súa mellor versión en Riazor e aumentan as críticas ao redor da figura do preparador catalán, que dividiu aos afeccionados entre os que piden o seu cesamento inmediato e os que piden paciencia cun técnico que tivo ao Dépor en postos de ascenso directo e que o mantén en playoff, en cuarta posición e empatado a puntos co segundo clasificado.

UN 2026 CON APUROS

Contra o cadro nazarí o Dépor foi incapaz de dar un golpe na mesa que os deitaría en postos de ascenso directo, pondo terra polo medio coas Palmas e aproveitando os tropezos de Málaga e Castelló, á espera de saber que fará o Almería ante a Cultu de Rubén da Barreira. Se gañan os andaluces, iríanse tres puntos por encima do Dépor, que se mantería cuarto na táboa. 

Conviven moitas realidades incómodas no Dépor. Os herculinos non raiaron a gra nivel nas súas últimas aparciones. As derrotas en Castalia, pero sobre todo esta ante o seu público contra un equipo en horas baixas como a Granada, fan moito dano a Hidalgo, que non poderá contar durante algunhas semanas co seu mellor xogador, Yeremay, afectado dunha publagia sobre a que non ten prazos para regresar vestido de curto.

Tamén é verdade que no que vai de 2026 o Dépor perdeu tres partidos, pero en dous eran cocos: Castelló e Racing de Santander, líder destacado da categoría. Na súa maioría, aínda que pola mínima, logrou levar os tres puntos con vitoria ante Almería, Cultu e Real Sociedade B fóra de casa, amarrando tamén os tres puntos nas visitas de Albacete e Eibar a Riazor. Pecháronse con empate os enfrontamentos contra As Palmas e Cádiz nas dúas primeiras xornadas do ano e tras un refacho de tres derrotas consecutivas.

"Están descontentos con xustiza, o equipo non estivo ben, pero este equipo competiu en moitos partidos ben, temos moitos puntos para soñar con todo", declarou o míster ante a prensa, consciente das críticas de afeccionados que acusan ao seu equipo de "non xogar a nada" ou render por baixo da calidade do persoal, confeccionada para tratar de asaltar a Primeira División. 

UN MAL DÉPOR EN RIAZOR

As dúbidas con Hidalgo van moito máis alá dos números, pois é en todo caso unha cuestión de sensacións, sobre todo en casa, onde conquistaron tan só 22 de 42 puntos posibles. Até agora, máis que un conxunto, o Deportivo mostrouse como una ristra de grandes xogadores aos que lles toca brillar por días, sobre todo en ataque: unha xornada é Mario Soriano o que resolve o choque, outro Zaka completa a papeleta, nalgún é Mella o que asume os galóns...case sempre é Yeremay o que tira do carro dun equipo que responde a base de chispazos e individualidades.

A pesar de todo, nas aficinas da Praza de Pontevedra non hai inquietude nestes momentos e cren que un volantazo a estas alturas de tempada e co equipo nunha situación privilexiada da táboa sexa a mellor das opcións. Outra cousa é se a bancada se empeza a virar, se pide en masa a cabeza do técnico ou si o Dépor descabálgase da carreira polo ascenso nunha Segunda que está nun pano: do Castelló, 2º, ao Ceuta, 8º, hai cinco puntos de distancia. 

No horizonte, no que queda de marzo, as visitas a Ceuta e Xixón e recibir ao Zaragoza. Un pleno de vitorias despexaría todas as dúbidas, pero máis tropezos poderían deixar a Hidalgo na picota.