Reciben o alta todos os afectados polo brote gastrointestinal do IES Elviña da Coruña
Unha tortilla en mal estado provocou a indisposición de medio centenar de persoas.
Todas as persoas ingresadas polo brote gastrointestinal rexistrado no IES de Elviña, na Coruña, provocado pola inxesta de tortilla, foron dadas de alta.
Así o informa a Consellería de Sanidade no seu último parte despois de que en informacións anteriores cifrase en 68 as persoas afectadas, con catro ingresados.
A Consellería de Sanidade tivo constancia do suceso o pasado luns e xa sinalaban que a intoxicación se tiña que deber a algún produto inxerido entre o 8 e o 9 de xaneiro durante o recreo, cando os alumnos teñen acceso á cafetaría do centro, que non ten comedor.
A cafetaría, que presentaba boas condicións hixiénicas, permaneceu pechada desde que se tivo constancia do sucedido en relación a este brote.
Escribe o teu comentario