Celadores de quirófano do CHUAC desconvocan a folga tras un acordo de última hora
O DOG anunciara esta mañá os servizos mínimos pautados no Hospital Universitario da Coruña.
A Comisión de Centro do complexo hospitalario universitario da Coruña (Chuac) desconvocou a folga de celadores de quirófano do Hospital Universitario da Coruña.
Fíxoo tras conseguir un acordo coa xerencia "que garante melloras na cobertura e estabilización dos persoais de quirófano e reanimación", informa a CIG en relación a un paro previsto para o día 17 e para o que Sanidade fixara servizos mínimos.
Despois das negociacións abertas coa xerencia da área Sanitaria da Coruña e Cee, o comité de folga chegou a un acordo que foi referendado polo persoal do servizo de quirófano e reanimación do Hospital Universitario A Coruña (CHUAC).
En consecuencia, a folga queda oficialmente desconvocada. Durante a última semana, a representación do persoal mantivo diversas reunións coa dirección, nas que se abordaron as reivindicacións trasladadas polo persoal profesional en materia de condicións laborais, cobertura de persoal, estabilidade nos persoais e organización asistencial.
Escribe o teu comentario