Sanidade sostén que rexistrou unha participación do 84,6% nos cribados de cancro de mama
A Consellería reivindica que as contas para 2026 subirán en máis dun 11% o orzamento destinado a programas de cribados.
O conselleiro de Sanidade, Antonio Gómez Caamaño, reivindicou que Galicia é unha "referencia a nivel nacional" en materia de cribado de cancro de mama e destacou que no último ano dispoñible a participación nestes cribados alcanzou o 84,6%, "por encima dos estándar nacionais e internacionais marcados pola Unión Europea".
Nunha pregunta da deputada do PPdeG Encarnación Amigo, o titular de Sanidade puxo en valor que desde a súa posta en marcha realizáronse máis de 3,5 exploracións, cunha participación media do 80%.
Así mesmo, Gómez Caamaño expuxo que, aos cinco anos de diagnóstico, a supervivencia ao cancro de mama para as mulleres que non participan no programa é do 88,6%, mentres que para as que si participan chega mesmo até o 97,8%.
Tamén detallou que o Programa conta na actualidade con 24 unidades de exploración mamográfica, tres unidades de avaliación radiolóxica e 14 unidades e diagnóstico e tratamento.
Na súa intervención, o conselleiro asegurou que os orzamentos da Xunta para o próximo ano contan cunha partida destinada aos programas de cribados de 3,17 millóns, un 11,39% máis.
Por último, Gómez Caamaño reivindicou que a Xunta fomenta os cribados "porque salvan vidas", lamentando que "á ministra só impórtenlle para o seu futuro político".
Escribe o teu comentario