Galicia sostén a melloría da Covid-19 coa cifra de casos activos máis baixa desde novembro de 2021

Non atopamos un dato tan bo neste capítulo desde finais de novembro de 2021, momento no que comezou a repuntar a que máis tarde se transformaría na onda de Nadal, que non alcanzou o seu teito ata o 20 de xaneiro, con máis de 80.000 casos activos.  Nunca en todo 2022 gozaramos dunhas cifras tan prometedoras, que nos achegan ao escenario no que se atopaba Galicia a principios do outono pasado, cando descendemos por baixo do milleiro de casos activos.


|

A situación mellora día a día, aínda que é certo que dunha forma menos pronunciada en comparación con días anteriores. A diferenza con respecto a hai un mes, momento no que se fixo notar a última gran onda de Covid, é substancial, pero a situación nos hospitais segue sendo preocupante.

 

Hoxe son 3.131 casos activos na comunidade. Non atopamos un dato tan bo neste capítulo desde finais de novembro de 2021, momento no que comezou a repuntar a que máis tarde se transformaría na onda de Nadal, que non alcanzou o seu teito ata o 20 de xaneiro, con máis de 80.000 casos activos. 

 

Nunca en todo 2022 gozaramos dunhas cifras tan prometedoras, que nos achegan ao escenario no que se atopaba Galicia a principios do outono pasado, cando descendemos por baixo do milleiro de casos activos. A pesar de todo, a diferenza segue estando nos hospitais: en setembro de 2021, con 3.123 casos activos os hospitalizados apenas superaban o centenar; hoxe, con cifras similares, hai tres veces máis camas ocupadas. Con todo, representa o mínimo desde o cambio de sistema aplicado na primavera. 

 

 

A incidencia acumulada semanal baixa ata os 84 positivos por 100.000 habitantes, dous menos en 24 horas. Todo parece indicar que neste capítulo a tendencia está a cambiar ou, polo menos, estabilizándose, polo que a melloría empeza a esfumarse. A incidencia acumulada a 14 días aínda aguanta á baixa porque é un índice menos proclive aos cambios de rumbo. Cando esta incidencia empece a crecer, será cando esteamos seguros de que a melloría se ha terminado. hoxe está en 179 casos por cada 100.000 habitantes, doce menos. 

 

O dobre da incidencia a 7 días é menor que a incidencia a 14 días. A razón de taxas é de ou,94, por tanto na última semana houbo un 6% de positivos menos que na penúltima. De novo vemos que seguimos mellorando pero a un ritmo moito menor que hai unhas semanas. Por exemplo, o pasado martes estabamos a recortar os positivos a un ritmo do -16% semanal. É algo lóxico, xa que o ritmo marcado nas últimas semanas era dificilmente sostible.
 

De igual maneira, a tasa de positividade onte foi próxima ao 30%, a máis alta do últimos seis días. A media semanal, o que importa, aguanta á baixa, aínda que cunha tendencia moi tenue. Está no 26%, mínimo desde que se aplica este sistema de mostraxe.

 

TRES CAMBIOS DE MÉTODO ESTES MESES

Hai que lembrar que co sistema implantado, só fanse probas a persoas maiores de 60 e colectivos especialmente vulnerables, enfermos de cancro ou asmáticos, por exemplo. Tamén ha profesionais sanitarios e traballadores de residencias.

 

Agora tampouco se suman os positivos de autotest caseiros, que eran maioría no anterior sistema. Isto provoca que os índices de sexan moitísimo máis baixos do que é a transmisión real. 

 

O cambio de método de seguimento da transmisión produciuse a finais de marzo. Houbo outro cambio de forma de contar posterior, en hospitalización. O SERGAS reduciu o número de días que unha hospitalizado conta como enfermo de covid. Isto reduciu artificialmente a cifra de hospitalizados executouse na penúltima semana de abril.

 

Nos últimos meses houbo un terceiro cambio estatístico produto da polémica estratexia de 'gripalización', en falecementos. A finais de maio a Xunta deixou de contar todos os mortos con covid. O SERGAS agora só informa dos decesos nos que considera que o coronavirus xogou un papel crave, algo que non deixa de ser moi subxectivo. Isto tamén provocou a rebaixa artificial da curva de falecementos.  

 

EVOLUCIÓN DOS CASOS ACTIVOS

O total de infectados descende hoxe un -5%. O relevante, a media semanal, empeora unhas décimas, pasa do -6,4% ao -6,1%. Segue sendo, en todo caso, un ritmo moi moi alto e moi positivo. 

 

 

A derivada da curva de casos activos está a contarnos que seguimos mellorando, seguimos recotando enfermos desde unha perspectiva semanal. Agora ben, cada vez é máis evidente que ese recorte é de menor calibre a medida que pasan os días. Pronto poderiamos entrar nunha planicie. 

 

DATOS POR ÁREAS

Esta melloría atopámola no conxunto das áreas sanitarias, aínda que hoxe podemos ver "unha ovella negra": Pontevedra suma un caso activo máis desde onte. É un cambio insignificante e non pasa da anecdota nun día no que as demais áreas perden casos activos. 

 

Santiago (506), Ourense (511) e A Coruña (674) son as únicas áreas que hoxe contan con máis de medio milleiro de casos activos. 

 

 

ANÁLISE ACTUAL E EVOLUCIÓN POSIBLE

Con estas estatísticas, a inferencia que se pode realizar é:

  • A rapidísima caída da transmisión da que gozamos desde finais de xuño empeza a dar indicios de fraqueza. A pesar de todo, aínda se sostén e Galicia segue perdendo casos activos e liberando camas ocupadas. 
  • Os contagios aínda se están recortando, pero cada vez a un menor ritmo. Hoxe, por exemplo, notificáronse 281, a peor cifra en tres días. De seguir así, a mediados de agosto empezarán a crecer outra vez. 
  • O cambio de tendencia non está a ser brusco, é paulatino. Non se pode dicir, por tanto, que está germinando unha nova onda. Con todo, por experiencias anteriores, é recomendable seguir extremando as precaucións mentres non se administra a cuarta dose aos grupos máis vulnerables. 
  • De producirse unha nova onda, oxalá non sexa tan masiva como a anterior. Hai que ter en conta as elevadísimas cifras de mortes que deixou a de xuño. As cifras de decesos que estamos a ver estes días son produto daqueles contagios. O balance é preocupante, con case 7 mortes por covid por xornada. Foron dous máis nas últimas horas, o que eleva o número de decesos desde o estalido da crise a 3.837.

 

 

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE