O BNG esixe á Xunta un plan urxente de axudas polos danos das borrascas

O Bloque Nacionalista Galego reclamou ao Goberno galego que active de forma inmediata un programa de axudas extraordinarias para os afectados polas recentes borrascas. O deputado Iago Tabarés presentou unha Proposición Non de Lei no Parlamento galego para apoiar ás persoas, familias, pequenas e medianas empresas, autónomos, agricultores e gandeiros prexudicados.

Tabarés lamentou que a Xunta non declare a situación de emerxencia, a pesar de que todo o país foi considerado zona catastrófica. O parlamentario advertiu que os danos en infraestruturas, vivendas e explotacións agrícolas superan o que poden afrontar os concellos e os seguros privados.

Segundo o deputado do BNG, os concellos están a asumir en solitario os gastos iniciais de limpeza, reparación de camiños e reposición de servizos básicos. Pediu que todas as administracións colaboren de forma coordinado e transparente para paliar os efectos do temporal.