Anonymous hackea a Maduro e saca unha lista con presuntos torturadores en Venezuela

O colectivo Anonymous denunciou que o goberno de Nicolás Maduro "que se aferra ao poder a través da fraude electoral e a represión". Segundo Anonymous, o último exemplo deste comportamento foron as últimas eleccións no país.  Nunha mensaxe enviada por RRSS, Anonymous denuncia que o réxime de Maduro "continua burlar da democracia e os dereitos humanos". 

Por outra banda, na rede X e en Youtube apareceron vídeos segundo os cales se sinalan nomes e rostros de persoal militar presuntamente vinculado a "torturas e asasinatos" dentro do país caribeño. Tamén aparecen os seus rangos, direccións e o nome das institucións para as que traballan.

Mentres, España e outros seis países reclaman revisar os datos das eleccións. Por outra banda, Maduro anuncia a detención de 2.000 persoas e para os que "esta vez non haberá perdón".

https://x.com/pablocasx1/status/1819153181391163467?s=48

MADURO RECOÑECE O HACKEO

O propio Maduro recoñecía nunha rolda de prensa que varias institucións venezolanas foran hackeadas e pecháronse contas en redes sociais. Nese sentido, acusou a Mark Zuckerberg, creador de Facebook e CEO de Meta, e a Elon Musk, propietario de X (antes Twitter), de estar persoalmente detrás deste peche de contas, en principio vinte e cinco webs e bases de datos. 

Por último, o colectivo Anonymous púxose "á beira do pobo venezolano" para destapar "a fraude" das últimas eleccións no país. Por iso, o colectivo reclama aos organismos internacionais e a todos os países que se unan na denuncia da fraude e esixir eleccións libres e xustas. 

O CIBERATAQUE

Segundo outro vídeo subido a Youtube, concretamente á canle Receitas do Noca, aclárase que o ciberataque realizouse de maneira masiva e atacando á vez corenta e cinco webs do goberno venezolano. Este ataque deixaría en evidencia que os resultados electorais serían totalmente contrarios a Maduro e que o propio sistema para o reconto de votos mostraría vencedor a Edmundo González.

Segundo o mesmo canle de Youtube, Anonymous descubriría que Venezuela estaría recibindo colaboración do goberno chinés para imprimir papeletas falsas, feito que sería confirmado polo exvicepresidente colombiano Francisco 'Pacho' Santos, implicando tamén a Cuba. Este ciberataque sería "unha escusa para esconder os verdadeiros resultados das eleccións".

A OPOSICIÓN PIDE LOITAR PARA QUE SE RECOÑEZA A súa VITORIA

Noutro vídeo subido a X, o candidato da oposición, Edmundo González, pide aos e as venezolanas continuar "traballando fortemente para que se respecten os resultados das eleccións do 28 de xullo e onde fomos gañadores cunha abafadora maioría que faremos respectar".

https://x.com/uhn_plus/status/1819904334609432642?s=48

En canto a Corina Machado, este pasado sábado saía á rúa despois de declarar que temía pola súa vida. Subida a un autobús, mostrouse en público non sen antes aparecer "da nada" e rodeada de seguidores para protexela. Nin sequera os policías que rodearon o vehículo impediron que Machado subise ao mesmo para mostrar ante os seus seguidores sen aparentes medidas de seguridade que a protexesen. 

Na súa aparición, Machado lembrou ás persoas concentradas nas rúas de Caracas que "a nosa é unha loita cívica e pacífica pero non é débil, non é dócil e non é submisa". A opositora asegura que nos últimos días houbo persecución ás testemuñas (apoderados) electorais.