Cambio de liderado nas Xuventudes Socialistas: a ribeirense Ana Alvite substituirá a Xurxo Doval

Enfermeira de 25 anos, de Ribeira e comprometida coa política galega. Ese é o perfil de Ana Alvite García, a nova secretaria xeral das Xuventudes Socialistas de Galicia e remplazo de Xurxo Doval, que abandonará o seu cargo na organización xuvenil socialista o próximo mes de xuño.

RECOLLIDA DE AVAIS

Alvite asumirá así o cargo despois de que onte se pechase o prazo para a presentación de candidatos e a súa fose a única proposta para a secretaría xeral. O seu precandidatura dispón agora de 15 días, até o 6 de maio, para solicitar os avais necesarios.

Alvite, que xa é secretaria de Benestar e Políticas Sociais nas Xuventudes e que foi número 2 nas pasadas eleccións municipais á alcaldía de Ribeira e que tamén formou parte da candidatura da provincia nas eleccións autonómicas, ten por tanto dúas semanas de traballo para as diferentes roldas de contactos con agrupacións socialistas ás que explicar as liñas mestras do seu proxecto. 

As Xuventudes Socialistas concretarán a renovación da súa directiva os días 6 e 7 de xuño en Ourense. Baixo a lema 'É agora' Alvite aspira a pór sobre a mesa cuestiones como a defensa dos servizos públicos, o feminismo, a situación do colectivo LGTBIQ ou a crise da vivenda.