Denuncian que as aulas galegas son "Zona Escolar Tensionada" ante o plan da Xunta de elevar os cocientes

O coñecido como "acordo da vergoña" alcanzado no seu día pola Consellería de Educación cos sindicatos #UXT, CC.OO. e ANPE, deixando ao carón a postura do resto de forzas sindicais, entre elas a #CIG, maioritaria no ensino en Galicia, segue levantando po ano e medio despois da súa firma. Esta ocasión, a CIG sinala que o pacto queda en "papel mollado" polo concernente aos cocientes nos niveis de Infantil e Primaria, tendo en conta que mentres no documento avogábase por rebaixalos, agora a Xunta xustifica subilos en certas ocasións.

SUBIDA DE COCIENTES?

O sindicato censura que se superen os cocientes de 20 nenos por aula nos niveis de 6º de Infantil e en Primaria, alcanzado os 25 de máximo que establece a normativa estatal. Para aliviar esta situación, que non dubidan en declarar de "Zona escolar tensionada", a CIG convida á Xunta a investir máis na contratación de docentes, pois "sería suficiente con pór un só docente para todo o centro a maiores para volver aos cocientes de partida". 

A CIG reprende á Xunta, á que acusa de non ter intención algunha de rebaixar os cocientes actuais cando debería "pór todos os recursos de dotación de prazas escolares para facer realidade a redución de alumnado por aula". 

"Tanto se resisten para admitir que existen zonas tensionadas no prezo da vivenda e non teñen reparos en alegar que esa tensión na matrícula en determinadas zonas e centros do país só pódese solucionar ampliando os cocientes", lamentan, á vez que piden "respostas ás demandas do profesorado", entre as que destacan a redución de cocientes e a recuperación do horario lectivo de 18 horas en Secundaria e 21 en Primaria. 
 

"UNHA EXCEPCIÓN"

A denuncia da CIG tivo unha reacción inmediata por parte da Xuna de Galicia que, a través da súa Dirección Xeral de Centros e Recursos Humanos, emitiu unha instrución sobre o proceso de admisión de alumnado en centros docentes para o curso académico 2025-2026 que xustifica elevar o cociente até os 25 alumnos. Iso está supeditado a que se cumpran requisitos como un número de solicitudes por encima do número de prazas ofertadas.

Así, a instrución indica que se poderán superar os 20 alumnos se despois de baremar todas as solicitudes recibidas e como consecuencia da ampliación das vacantes, póidase admitir a alumnado inicialmente non admitido que alegase e xustificase puntuación por domicilio familiar ou lugar de traballo na mesma área de influencia do centro solicitado ou por irmán/a matriculado no centro demandado en primeiro lugar.

Despois disto, desde Educación saíron ao paso ao lembrar que estes casos sería "unha excepción" e "non son a norma", ademais de insistir en que "non é nada novedaoso" e que sempre existiron "excepcións". A imposibilidade de desdobrar por falta de espazo ou a fin de que que non quede fose un alumno cuxa familia cambia de país, de comunidade, de concello ou de barrio, así como evitar a separación de irmáns, foron exemplos dos que botou mano a Xunta. 

"O cociente máxima en España en Infantil e Primaria é de 25 alumnos por aula. En Galicia, por iniciativa propia, decidimos baixala de maneira progresiva a 20. Comezamos este curso en 4º de Infantil, seguiremos no próximo en 5º e así sucesivamente até cubrir todas as etapas", aseveran desde a Xunta, que en calquera caso cifra que a afectación sería "mínima" e que a caída da natalidade xa reduce por si mesma os cocientes. 

"Estaba previsto cando se asinou o acordo e quedou a maiores aclarado na Lei de acompañamento que blinda o seu cumprimento co máximo rango legal", reiteran, recalcando que non existen "subidas de cocientes". "Os cocientes non están a subir. Ao contrario, están a baixar e estamos moito mellor do que fixa o Goberno central", afirman. 

Pola súa banda, o presidente da Xunta, Alfonso Rueda tivo que responder as preguntas dos medios tras o Consello da Xunta deste luns, cando foi cuestionado sobre este asunto, onde asegurou que o seu Goberno traballa para "cumprir o acordo". "Entendo que pode haber distintas opinións", aspostilló o mandatario sobre a "xestión o máis eficiente posible dos recursos públicos cumprindo a lei" que fai o seu Executivo.