Altri: Parlamento Europeo acepta queixa dos críticos e a empresa insiste en que cumpre as normas

Segundo unha carta do presidente da comisión, Bogdan Rzońca, o asunto exposto pola plataforma "entra dentro dos ámbitos de actuación da Unión Europea".

A petición, acompañada dun informe técnico, denuncia que o proxecto podería incumprir varias directivas comunitarias relacionadas coa mitigación do cambio climático, a economía circular e a protección da biodiversidade. Ulloa Viva argumenta que Altri non cumpre cos principios do Do Non Significant Harm (DNSH), requisito fundamental para optar a fondos do programa europeo Next Generation.

O colectivo celebrou esta decisión con esperanza, destacando que a iniciativa permitirá levar o caso a Bruxelas. "Con esta admisión, ponse fin á demagoxia sobre a normativa comunitaria que sostivo a empresa", aseguran desde Ulloa Viva.

Altri defende a viabilidade e sustentabilidade do proxecto Gama

A compañía reaccionou inmediatamente á decisión da eurocámara.  Altri, responsable do proxecto Gama, ratificou a súa confianza en que a iniciativa cumpre cos criterios da Unión Europea. Segundo Bruno Dapena, director do proxecto, "esta planta será a primeira en integrar a produción de lyocell e pasta soluble de celulosa nunha mesma instalación", o que reducirá a pegada de carbono ao eliminar transportes intercontinentais.

O lyocell, unha fibra téxtil renovable, será producido con estándar que, segundo a compañía, permitirán substituír fibras téxtiles/téxtís baseadas en combustibles fósiles ou de alta demanda hídrica, contribuíndo aos obxectivos europeos de descarbonización. Ademais, Altri asegura que o deseño da fábrica garante a autosuficiencia enerxética, evitando o uso de combustibles fósiles e produtos químicos contaminantes.

Miguel Silva, CFO de Altri, insiste en que o proxecto responde tanto a unha demanda de sustentabilidade como a unha estratexia económica. "É un investimento histórico para Galicia e Europa que reforzará a competitividade da industria téxtil, respectando o medio ambiente", subliñou.

Impacto local e polémica sobre os fondos europeos

A Plataforma Ulloa Viva sostén que, de concretar, a instalación xeraría impactos ambientais e socioeconómicos irreversibles na zona. No informe presentado en Bruxelas, enuméranse supostas violacións a directivas europeas en aspectos como a protección de recursos hídricos e mariños, así como a prevención de contaminación.

Doutra banda, Altri defende que o proxecto, que require un investimento superior aos 1.000 millóns de euros, está deseñado para cumprir coa crecente demanda de fibras sostibles. A empresa aspira a obter un 25 % do financiamento a través dos fondos Next Generation, algo que a plataforma cuestiona ao considerar que o proxecto non respecta as condicións necesarias para recibir estas axudas.

A decisión da Comisión de Peticións abre a porta a varias accións: desde investigacións máis profundas até debates parlamentarios ou visitas á zona afectada. Ademais, a petición de Ulloa Viva publicarase no portal oficial de peticións da UE, o que permitirá que outras organizacións poidan adherir ao proceso achegando informes adicionais.Ulloa Viva solicitara ao Parlamento Europeo que debatese con urxencia o proxecto de Altri en Palas de Rei, Lugo. A plataforma buscaba que as institucións europeas examinasen as denuncias presentadas contra a instalación da planta de celulosa, alegando que o proxecto vulneraba varias directivas comunitarias e podería ter graves impactos medioambientais e socioeconómicos na rexión. 

Ademais, Ulloa Viva pedía que se investigase a posible concesión de fondos europeos ao proxecto, argumentando que este non cumpría co principio de "non causar un prexuízo significativo". A plataforma esperaba que o debate no Parlamento Europeo puidese frear o avance do proxecto e evitar o seu financiamento con fondos comunitarios.

Precedentes 

Inicialmente, o Parlamento Europeo había rexeitado estas peticións. Con todo, segundo fontes da asociación, esta semana recibiron unha carta na que a Comisión de Peticións do Parlamento Europeo acepta outra petición. En concreto, a elaboración dun informe técnico sobre os supostos incumprimentos de Altri ao principio de non causar prexuízo significativo ao medio ambiente (DNSH). 

controversia reflicte unha tensión máis ampla entre os intereses empresariais e as esixencias ambientais na UE. Mentres Altri insiste en que o proxecto situará a Europa na vangarda tecnolóxica da industria téxtil, a Plataforma Ulloa Viva advirte que a súa implementación poría en risco os ecosistemas e a calidade de vida das comunidades locais.

A decisión final das institucións europeas será crucial para determinar o futuro deste proxecto. Sen aval europeo non hai axudas Next Generation e sen subvencións Altri confesou que a celulosa non é economicamente viable.