Rueda lamenta que Sánchez non lle faga unha oferta a pesar de que el dixo antes que non ía escoitala

O presidente da Xunta de Galicia, Alfonso Rueda, reuniuse este venres co presidente do Goberno, Pedro Sánchez, na Moncloa, nun esperado encontro que durou aproximadamente hora e media. Había moita expectación, tamén a nivel de política estatal, para ver si o PSOE lograba abrir brecha entre os baróns do PP e animar a outras autonomías a negociar bilateralmente tras o pacto entre o Estado e Cataluña, deostado polos conservadores. Polo que se desprende das palabras de Rueda, o Goberno de Galicia non quere dialogar cara a cara co Estado, o que suscitou as críticas da oposición, que entende que o país perde así unha gran oportunidade de mellorar o seu financiamento.

Así, o PSdeG-#PSOE acusa ao líder do PP de Galicia de antepor os intereses de Alberto Nuñez Feijóo, mandatario conservador estatal, aos da autonomía. Unha opinión semellante a esgrimida polo Bloque. O seu portavoz, Ana Pontón, fala directamente de "fracaso" tras, di, encartar Rueda aos intereses do PP.

 Tras a reunión, Rueda expresou a súa decepción polo que falta de propostas concretas desde Moncloa, especialmente no referente ao financiamento autonómico, un dos temas principais na axenda.

Rueda resumiu o encontro como moitas boas palabras e moi poucas concrecións. O mandatario galego confirmou que non recibiu ningunha oferta específica sobre financiamento por parte do Goberno central, a pesar da importancia do tema para Galicia e outras comunidades autónomas. Con todo, hai que lembrar que el mesmo antes xa declarara que non quería nin dialogar sobre ese tema.

Durante a reunión, Rueda esixiu a Sánchez "cortar de raíz" a bilateralidad nas negociacións sobre financiamento autonómico. O presidente galego rexeitou de pleno a negociación bilateral e remarcou a necesidade dun modelo de financiamento xusto e equitativo para todas as comunidades autónomas. Neste sentido, Rueda instou a Sánchez a convocar unha Conferencia de Presidentes para abordar este tema de maneira multilateral.

Aínda que o encontro abordou diversos temas de interese para Galicia, como a xestión do litoral e a transferencia da autoestrada AP-9, Rueda lamentou a suposta falta de compromisos concretos por parte do Goberno central na maioría dos asuntos tratados. O único compromiso específico que saíu da reunión foi a activación da comisión de transferencias para que Galicia asuma a xestión do litoral.

Respecto da Conferencia de Presidentes solicitada por Rueda, Sánchez indicou que se celebrará unha proximamente, pero centrada no tema da vivenda, deixando no aire a posibilidade de abordar o financiamento autonómico neste foro.

O presidente da Xunta tamén expuxo outras cuestións relevantes para Galicia, como a situación da industria electrointensiva e a necesidade de apoio ao sector naval. Con todo, segundo Rueda, non recibiu respostas concretas sobre estes temas por parte do Goberno central.

A pesar da falta de avances significativos, Rueda valorou positivamente a oportunidade de manter este diálogo directo co presidente do Goberno. Desmárcase así das teses da á máis dura do PP, liderada pola madrileña Díaz Ayuso, que chegou a propor vetar as reunións con Sánchez.

A reunión entre Rueda e Sánchez enmárcase nunha serie de encontros que o presidente do Goberno está a manter cos líderes autonómicos. Estas reunións buscan fortalecer o diálogo entre o Goberno central e as comunidades autónomas, aínda que, como no caso de Galicia, non sempre se traducen en acordos concretos ou avances significativos nos temas máis apremiantes para as rexións.

Son reunións que, ademais, teñen un peso notable na política española, especialmente agora cando aumentan as críticas -tamén nun sector do PSOE- contra o pacto da cota catalá.