Besteiro interpreta a vitoria de Salvador Illa como éxito da "política" do "diálogo" de Sánchez
José Ramón Gómez Besteiro, secretario xeral do PSdeG, fixo unha análise dos resultados dos socialistas cataláns que podería chegar ao Govern si logran un equilibrio de forzas con ERC e os Comúns.
O secretario xeral do #PSdeG, José Ramón Gómez Besteiro, mostrou a súa satisfacción pola vitoria do #PSC de Salvador Illa nas eleccións catalás do pasado domingo, que, ao seu xuízo, supoñen o "punto final" ao 'procés' e un "referendo" á aposta pola política do "diálogo" e a "concordia" do goberno presidido por Pedro Sánchez.
Así se pronunciou este luns en rolda de prensa sobre os comicios en Cataluña nos que os socialistas se impuxeron nas urnas e o bloque independentista non alcanzou a maioría, o que, para Besteiro, constata "o fin a unha dinámica histórica" que considera que alimentaron os anos no Goberno central do PP.
Para o líder dos socialistas galegos, as eleccións catalás constatan que a presenza do #PP na Moncloa supón "unha fábrica de producir independentistas en Cataluña", algo que contrapuxo á aposta de Sánchez por "levar a paz, a tranquilidade, a concordia e o diálogo a Catuluña".
Tras enxalzar o resultado de Illa como "o triunfo dun proxecto tranquilo e solvente", Besteiro recalcou que o 12 de maio supón a resolución de "un problema" como, ao seu xuízo, supuxo ao longo dos últimos anos o 'procés' independentista catalán, unha "dinánica absolutamente aloucada dunha política que non tiña un fin en si mesmo" que "se xerou na época do PP".
Por tanto, cualificou de "noticia moi boa" a caída do apoio ao independentismo que, segundo Besteiro, "confirma o éxito da política dos socialistas para resolver o conflito catalán".
Escribe o teu comentario