Que cambios fará Rueda na Xunta? Patricia García é un dos nomes que soa

O presidente da Xunta en funcións, Alfonso Rueda, volveu a evitar dar pistas sobre cales son os cambios que introducirá no seu novo goberno, máis aló de insistir en que non suporán "ningúna ruptura radical" coa liña mantida até o momento e que pretenden "ser máis funcionais e eficientes" na tarefa de goberno.

Con todo, un dos nomes que soa insistentemente nas quinielas dos rumores en Santiago é o da empresaria Patricia García. Ela foi a principal novidade nas listas conservadoras nas pasadas eleccións autonómicas, ao situala o partido como número dous na provincia de Pontevedra a primeira vez que se presentaba a uns comicios.

Ademais, García aparcou parte da súa carreira no mundo dos negocios para dedicar á política. Así o testemuña o feito de que abandonase o consello de administración de varias das súas empresas. O seu marido, tamén directivo do Celta de Vigo, quedou á fronte en solitario do grupo, que se dedica principalmente ao sector da teleformación. Os cambios formalizáronse no rexistro mercantil moi pouco antes da cita coas urnas.
 

A pesar destes indicios,  a súa presenza no próximo Consello da Xunta non está asegurada. Por agora, Rueda nin filtrou nomes nin tampouco quixo, preguntado polos xornalistas, profundar en detalles sobre o contido do discurso de investidura que pronunciará o luns no arranque do debate no Parlamento de Galicia.

"Loxicamente está máis madurado pero aínda queda a semana que vén e dúas sesións parlamentarias para falar deste tema e pídovos un pouco de paciencia", sinalou Rueda, que volveu a subliñar que o discurso estará centrado nos compromisos para a investidura que se recollían no programa co que o PP se presentou ás eleccións autonómicas nas que renovou a súa maioría absoluta.

En canto ao seu novo equipo, o presidente incidiu en que non haberá "ningunha ruptura radical" porque considera que "o labor de goberno" foi sometido "a ditame" dos galegos que "opinaron" que "merecía" continuar "coa maioría" no arco parlamentario.

Así, defendeu que os cambios "están pensados e falado con xente que ten que unha visión ampla". "Ao final, é á min a quen corresponde pensar cales son mellores de aplicar ou cales corresponde aplicar", engadiu.

CRÍTICAS Á OPOSICIÓN
Doutra banda, Rueda acusou aos partidos da oposición de actuar "sen rigor" e "dicir cousas que non teñen ningún sentido", ademais de afearlles o que considera unha falta de "coherencia" por avanzar o seu 'non' á investidura antes de "escoitar" o seu discurso.

"Poderían dicir que van escoitar o que se propón e despois votarán, pero non, dixeron que a investidura, en ningú caso", engadiu antes de criticar que BNG e PSdeG acusen á Xunta de inactividade durante estes meses de interinidade tras as eleccións.

"Escoitar todo o día que vai haber unha oposición construtiva e, despois, ver as manifestacións que se están dicindo estis días, é moi pouco coherente", dixo Rueda antes de afirmar que "nada lle gustaría máis" que a próxima semana durante o debate de investidura haxa "clima de entendemento" entre o PP e os partidos da oposición.