Abascal propón "afundir o Open Arms" e Sumar Galicia cualifícao de "terrorista" e pide a súa renuncia como deputado
"Ese barco de negreiros hai que confiscalo e afundilo. Para que sirva de advertencia de cal vai ser o final que lles espera a todos os multimillonarios e políticos que promovan a invasión de Europa", escribiu o líder de Vox en Twitter. As súas palabras sobre a ONG española que rescata a migrantes no Mediterráneo xa tiveron resposta.
"Estamos ante un dirixente político que chama abertamente á violencia contra organizacións humanitarias que salvan vidas no Mediterráneo", reprenden desde Sumar Galicia.
"Unha persoa así non pode ser membro do Congreso. Debe renunciar á súa acta de inmediato", sostén a presidenta de Sumar Galicia e portavoz de Sumar no Congreso, Verónica Barbero.
Escribe o teu comentario