Cancelan pola choiva o desfile aéreo do 12 de outubro, a Patrulla Aguia e o salto en paracaídas

A choiva obrigou a cancelar a exhibición aérea enmarcada no desfile do 12 outubro, o salto da da Patrulla Acrobática de Paracaidismo do Exército do Aire e do Espazo (PAPEA) e a pasada da Patrulla Aguia, informou o Ministerio de Defensa.

Estaba prevista a exhibición de 56 avións e 29 helicópteros na parada militar para conmemorar o Día da Hispanidade, que estará presidida polos reis Felipe VI e Letizia, acompañados da Princesa Leonor.

Durante toda a mañá unha intensa choiva cae sobre Madrid o que obrigou a suspender todas as actividades aéreas previstas no desfile no que participarán máis 4.000 integrantes das Forzas Armadas e Forzas e Corpos de Seguridade do Estado e exhibiranse un total de 166 vehículos e 210 cabalos.

Ao desfile asistirá o presidente, Pedro Sánchez, o líder da oposición, Alberto Núñez Feijóo, e membros do Goberno e outras figuras políticas relevantes. Ademais, está prevista a asistencia de todos os presidentes autonómicos, fóra de presidente de Canarias, Fernando Clavijo, e o lehendakari, Imanol Pradales. Cataluña volverá estar representada grazas a Salvador Illa, que rompe con 14 anos de ausencia da autonomía.

O desfile militar, que comezará ás 11.00 horas, repetirá o percorrido do ano pasado, ao longo do Paseo do Prado e o Paseo de Recoletos. Trátase dun total de 1.540 metros desde a altura da entrada principal do Xardín Botánico até a Praza de Colón. A tribuna real, na que os reis Felipe VI e Letizia e a Princesa Leonor gozarán da parada militar acompañados das outras autoridades, situarase de novo en Neptuno