Extinguen o incendio que afectou a tres edificios en Ourense
Dúas plantas e o baixo do edificio quedaron arrasadas polas chamas declaradas ás 05,00 da madrugada
Os efectivos dos bombeiros lograron extinguir tras horas de traballo o incendio declarado na madrugada deste sábado nun edificio da avenida de Santiago de Ourense e que obrigou a desaloxar a decenas de veciños de tres inmobles.
As tarefas de control e extinción das chamas prolongáronse desde as 05,00 horas da madrugada até a tarde do sábado, cando os bombeiros deron por finalizada a actuación, segundo trasladou o CIAE 112 Galicia.
Unha vez finalizada a intervención, os servizos de emerxencias fixeron balance de danos, no que non se contabilizan feridos. As chamas calcinaron por completo dúas plantas e o baixo do edificio afectado, o número 72 da avenida de Santiago.
Ademais, as chamas e o fume tamén causaron desfeitas nos inmobles lindeiros, especialmente un que tivo que ser precitando por motivos de precaución.
Escribe o teu comentario