Buscan unha adolescente de 15 anos desaparecida desde principios de febreiro na Coruña

Familia e achegados da adolescente María Igrexa Juncal, de 15 anos, solicitan a colaboración cidadá para tratar de dar co paradoiro da nova, desaparecida desde principios de febreiro na Coruña.

A última vez que se tiveron noticias da moza foi o 4 de febreiro na cidade herculina, segundo comunicou este sábado a asociación SOS Desaparecidos.

María Igrexa ten 15 anos, mide 1,60 de altura e é de complexión delgada. Ademais, segundo a descrición achegada, leva o pelo tinguido de vermello e usa lentes graduadas.