Drones de Axega colaboran coa procura dun home de 98 anos desaparecido en Rairiz de Veiga

O equipo de drones da Axega colabora cos equipos de emerxencia na procura dun home de 98 anos, enfermo de Alzheimer, desparecido este venres na localidade ourensá de Rairiz de Veiga.

Foi a familia do desaparecido a que deu a voz de alarma, despois de que se marchase da súa casa, situada na parroquia e lugar de Sabariz, ao redor das 19.00 horas. Tras máis dunha hora buscándoo, deron a alerta ao 112.

O concello de Rairiz de Veiga difundiu o aviso nas súas redes sociais e a Garda Civil ha confirmado que está en marcha un operativo para tratar de localizalo. Nel participan, ademais dos axentes e os drones da Axega, efectivos do GES de Muíños e de Protección Civil.