Incendios Galicia: extinguido o lume de Castrelo do Val; cinco seguen estabilizados ou controlados
O incendio forestal iniciado con varios focos en Castrelo do Val, en Ourense, foi dado por extinguido pola Xunta ás 11,30 horas deste martes, xornada na que unha fronte chuviosa atravesa a comunidade.
A comunidade segue afectada por varios lumes, pero as choivas repartidas en distintos puntos de Galicia e a baixada das temperaturas axudan ao seu control e extinción.
O de Laza, con máis de 2.100 hectáreas de terreo arrasadas, é o incendio máis grande dos que permanecen sen extinguirse nestes momentos.
O incendio forestal iniciado con varios focos en Castrelo do Val, en Ourense, foi dado por extinguido pola Xunta ás 11,30 horas deste martes, xornada na que unha fronte chuviosa atravesa a comunidade.
Mentres, outros cinco lumes seguen estabilizados (Laza e Oímbra) ou baixo control (Ribas de Sil e Riós), e os medios de extinción tratan de apagar as chamas.
En Castrelo do Val arderon 173,19 hectáreas: 78,95 arboredos e 94,24 de monte raso. Pola súa banda, o de Riós arrasou 103 hectáreas e o de Ribas de Sil, 40.
Tras unirse co de Chandrexa de Queixa, o lume de Laza afecta a 2.100 hectáreas, e o de Oímbra, tamén estabilizado pero aínda sen controlar, calcina unhas 70 hectáreas.
Escribe o teu comentario