Descarrila un tren en Foz sen que se produzan feridos
Segundo informou o 112 Galicia, o suceso produciuse sobre as 7.40 horas deste sábado e foi o persoal de Renfe o que deu a voz de alarma
Un tren de pasaxeiros, no que só viaxaban o maquinista e o interventor, descarrilou en Foz (Lugo) tras atropelar a dous cabalos. No suceso non houbo persoas feridas.
Segundo informou o 112 Galicia, o suceso produciuse sobre as 7.40 horas deste sábado e foi o persoal de Renfe o que deu a voz de alarma.
O tren cubría o traxecto Ribadeo-Ferrol e a liña ferroviaria está cortada. Con todo, segundo informou Adif, estableceuse un plan alternativo de transporte por estrada entre Ribadeo e Burela.
Até o punto desprazáronse a Garda Civil e persoal de Adif de Emerxencias. Ademais, a central de emerxencias deu aviso aos Bombeiros de Barreiros, ao GES de Cervo e a Protección Civil de Foz.
Escribe o teu comentario