Unir Lugo e Santiago por tren? O Goberno estuda unha vella demanda da cidade amurallada
A posibilidade de que as dúas cidades poidan unir por unha liña ferroviaria é un dos acordos do BNG para investir a Sánchez.
O Ministerio de Transportes e Mobilidade Sostible confirmou que traballa na licitación dun estudo de viabilidade para avaliar a posible conexión ferroviaria de Santiago de Compostela e Lugo.
Así o confirma o Goberno central a través dunha resposta escrita a unha pregunta do deputado do #BNG, Néstor Rego, quen o pasado mes de abril solicitaba información sobre este proxecto de unión por tren de ambas as cidades.
Aínda que a resposta do Ministerio, datada a 24 de maio, non ofrece máis detalles, si cabe lembrar que o pacto do Bloque e o PSOE para a investidura de Pedro Sánchez de 2023 recolle como un dos puntos que se licitará xa en 2024 un estudo "dunha variante entre Curtis e Ordes", na provincia da Coruña, que facilite a conexión ferroviaria entre Santiago e Lugo.
Trátase dunha demanda que tamén sosteñen outros partidos políticos e colectivos a favor de contar con máis servizos ferroviarios na capital lucense.
Escribe o teu comentario