En estado crítico o mozo que caeu no rocódromo de Santiago The other Climb
O accidente resulta sorprendente pois todo o solo adxacente ás zonas de escalada está protexido por colchóns e ademais nas escaladas de altura é obrigatorio asegurar cunha corda que ás veces pode regular un compañeiro. É un establecemento moi popular entre persoas afeccionadas á escalada e tamén entre aqueles que queren aprender.
Un mozo de 30 anos non faleceu, como se informou incialmente, tras sufrir unha caída de oito metros mentres cara a escalada nun rocódromo en Santiago na tarde do pasado luns. Fontes oficiais do SERGAS confirmaron a Galiciapress que "está moi grave" ingresado na UCI.
Até este establecemento situado no polígono de Costa Vella, na rúa República Checa, desprazouse o helicóptero con base medicalizada en Compostela. Esa é a dirección do único rocódromo da cidade, The Other Climb, un negocio moi popular tanto entre escaladores avanzados que buscan perfeccionar a súa técnica como entre aqueles que están a dar os primeiros pasos pois posúe numerosas vías de diferentes graos de dificultade.
Un particular avisou do suceso, sobre as 20,15 horas do luns, ao 112 Galicia. Expuña que o mozo se precipitou cando estaba a practicar escalada nun centro de lecer.
Foron informados 061, Policía Nacional, Policía Local e Agrupación de Voluntarios de Protección Civil de Santiago, entre outros.
Os membros da Policía Local desprazados até onde se produciu o accidente detallaron que a persoa sufrira unha caída desde uns oito metros de altura.
Escribe o teu comentario