Un fungo, o nomoniosis, está a deixar sen castañas a moitos montes de Ourense e Lugo

A metade dos castiñeiros dos Ancares e doutras zonas montañosas do anterior a penas dan froito este ano. 

O conselleiro de Medio Rural, José González, informou de que o ataque da nomoniosis é a principal afección que afecta os castiñeiros da provincia de Ourense entre "varios complexos fúnxicos" detectados por mor de problemas observados, como a perda dos seus froitos.

CONTRAMEDIDAS
En resposta a unha pregunta do PSdeG no Parlamento, o conselleiro explicou que levan a cabo diferentes iniciativas para minimizar o impacto deste fungo, tales como a eliminación de castiñeiros caídos sobre o chan e ourizos afectados. Ademais, búscanse pés de castiñeiro resistentes á doenza e o uso de bacterias e fungos que poidan actuar como antagonistas á nomoniosis.

Así mesmo, entre decembro e xaneiro van poñer en marcha 28 novas parcelas de mostraxe entre soutos de maior interése para avaliar a súa situación sanitaria sobre o terreo.

MUNICIPIOS DE OURENSE
Indica que a nomoniosis foi un fungo detectado por primeira vez en 2020 en Galicia, pero "incrementouse" en 2021. Así, activouse a Rede de Avisos Fitosanitarios cunha alerta sobre sintomatoloxía e descrición do fungo, tras recollerse mostras nos municipios de Viana do Bolo ,Castrelo de Val, A Mezquita, Vilardevós, A Gudiña e Riós.

Por outra banda, o conselleiro indicou que hai 45 municipios priorizados para levar a cabo traballos de recuperación e mellora en 2.000 hectáreas de soutos de castiñeiros ata 2025, tal como establece o plan forestal.

PETICIÓN SOCIALISTA
A deputada socialista Carmen Rodríguez urxiu á Xunta un plan de choque de 2,5 millóns para o sector da castaña, xa que o plan estratéxico do Goberno galego queda "en mera declaración de intencións con nulos resultados".