Bacallau con grelos e outras delicatessen galegas, nos pratos do Nadal de Mercadona

A oferta inclúe a xa consolidada variedade de canapés e opcións frías como a ensaladilla de marisco, elaborada con bocas de mar, pescada, lagostinos, maionesa e ovo fiado. Os canapés preséntanse en sete variedades gourmet, entre as que destacan tartaletas de lagostino ao ajillo, sobrasada con mel e pistones, crema de foie con mazá caramelizada e ovo fiado, ademais de recheos de mexillón en escabeche, queixo de cabra con cebola caramelizada, queixo stilton con crispy de mango e crema de queixo trufado con chacina. Completa a oferta a gama de rolos fríos de pan de molde, recheos de surimi e lagostino, así como de salmón afumado con crema de queixo branco.

Como protagonistas das propostas quentes, Mercadona continúa apostando por receitas tradicionais e familiares como a coxa de pito recheo con salsa de trufa, acompañado de puré de pataca trufado, a carrillada guisada con patacas asadas e cebollitas confitadas, a paletilla de cordeiro lechal con patacas panadeiras e, para os máis exixentes, o clásico cuarto de cochinillo asado. En tendas galegas seleccionadas, a iniciativa incorpora pratos especificamente locais como o bacallau con grelos e patacas, reflectindo os hábitos de consumo do país. 

Segundo destaca Mercadona, esta campaña busca facilitar a organización familiar e asegurar comidas de calidade, con elaboracións que respectan o sabor caseiro e a tradición, pero permiten aforrar tempo e esforzo nunhas datas marcadas pola reunión e o reencontro. Para coñecer a dispoñibilidade exacta dos pratos e axustar os encargos, recoméndase consultar directamente en tenda.

Desde o vindeiro luns 24 de novembro e até poucos días antes das grandes festividades, os clientes galegos poderán encargar os seus pratos de Nadal ou adquirilos directamente en tenda, onde estarán dispoñibles en mostrador os días máis sinalados de decembro.