Carolina Mosquera pecha o pano ao ciclo de saúde, moda e beleza 'Consínteche' no Corte Inglés da Coruña

Este mes de xuño está a ser especialmente intenso no Corte Inglés da Coruña. A serie de charlas de saúde, moda e beleza no marco do ciclo 'Consínteche' resultaron un rotundo éxito na superficie comercial herculina, que clausurará esta experiencia coa charla da nutricionista Carolina Mosquera este mércores 19 de xuño.

O ciclo terá lugar ás 19 horas no restaurante dos grandes almacéns coruñeses e, como nos anteriores relatorios, estará centrada en temas que preocupan como a alimentación e os consellos nutricionais máis axeitados a seguir para ter unha dieta saudable.

Baixo o título 'Non máis operación bikini', Mosquera explica os riscos que asumimos con esta clase de "diestas milagre", caracterizadas por "unha gran restrición na inxesta calórica, acompañada dun déficit de nutrientes e castigos ao corpo". "#Saltar comidas, facer exercicio extremo, eliminar os hidratos de carbono de maneira radical, son algúns dos exemplos aos que se adoita recorrer neste tipo de dietas", detallan desde O Corte Inglés na súa nota.

"Todo isto a curto prazo pódenos deixar un resultado que nós pensamos é aceptable porque poida que nos puidemos pór unha talla menos, pero non nos confundamos, a medio prazo deixounos cunhas características moito peores do que pensabamos", inciden, polo que recomendan levar unha alimentación equilibrada os 365 días do ano, xunto cunha rutina de exercicios coa que ser "paciente e constante".

"Cambiar os nosos hábitos non é algo que se deba nin se poida facer da noite para a mañá, é un proceso longo e flexible, durante o cal debemos aprender a coñecer que é o que realmente o noso corpo necesita e conectarnos coas sensacións de fame e saciedade", abundan.