Salvan a vida a pesar dun espectacular envorco do seu coche nun accidente en Arzúa
O exceso de velocidade á saída da autovía é unha das hipóteses que se barallan para explicar porqué o turismo acabou apoiado sobre un lateral no medio da rotonda. Os bombeiros de Arzúa tiveron que abrir o recho do coche con serras radiais para rescatar aos feridos, que xa están no CHUS de Santiago.
Dúas persoas tiveron que ser excarceradas tras saír da vía e envorcar co seu turismo na A-54, ao seu paso polo concello coruñés de Arzúa, no quilómetro 55.
Segundo informou o Consorcio Contraincendios e Salvamento da Coruña, o suceso produciuse ás 16,15 horas deste xoves na rotonda que marca a finalización da autovía, en dirección a Lugo.
No vehículo, que envorcou sobre unha rotonda derrubando un sinal de tráfico, viaxaban dous ocupantes que foron liberados polos Bombeiros de Arzúa e foron trasladados polos profesionais de Urxencias Sanitarias de Galicia-061 ao Hospital Clínico de Santiago.
Escribe o teu comentario