O PPdeG celebra que Congreso e Senado apoien propostas enviadas por Galicia ao Goberno pola falta de médicos
"Debe cesar a inacción da ministra de Sanidade, a sexta da era Sánchez, que segue sen tomar as medidas necesarias dentro das súas competencias, como a formación de especialistas, as convocatorias de prazas MIR e a autorización de unidades formativas", sinalan desde o PPdeG
O PPdeG aplaude que Congreso e Senado avalasen, esta semana, medidas propostas por Galicia ao Goberno ante a falta de profesionais sanitarios en atención primaria, especialmente no verán.
Nun comunicado, o PPdeG valora que os populares presentasen en Cortes Xerais senllas iniciativas para instar o Executivo central a exercer as súas competencias para solucionar a falta de médicos e tómese como exemplo iniciativas de Galicia.
Así, emprazouse a traballar para materializar con urxencia medidas de utilidade real fronte á crítica necesidade de profesionais sanitarios na atención primaria.
"Debe cesar a inacción da ministra de Sanidade, a sexta da era Sánchez, que segue sen tomar as medidas necesarias dentro das súas competencias, como a formación de especialistas, as convocatorias de prazas MIR e a autorización de unidades formativas", sinalan desde o PPdeG.
Escribe o teu comentario